O capitán Maimiño, xefe dos exércitos do rei Pousafoles V, está desesperado. O seu fillo Belleco non quere ser guerreiro coma el, e a súa filla Chinchanamoca prefire enredar polo bosque que ser unha doncela casadeira. Os problemas do capitán aumentan cando lle cae do corpo a parte da que está máis fachendoso: o maimiño da súa man dereita. Daquela o anano Chuculú ofrécese a solucionar o problema do capitán. Mais o plan secreto de Chuculú nada ten que ver co que se esperaba del...