Cando o bo de Filippo Lettera descubriu aquela rata que asomaba os bigotes pola rañura dunha caixa do correo, pouco podía imaxinar que tan só se trataba da primeira das miles e miles que ían tomar Nilemah (con hache tras do a) ata o punto de volver a vila do revés. Pero para todo hai solución. E se non, que lle pregunten ao alcalde ou a Alfredinno Lettore, o moi sabido bibliotecario xefe. Acaso ninguén oíu falar de certo frautista infalible?