Gure barruan dabiltzan kontu ttikiak handitu ez daitezen, hobe izaten da nolabait kanporatzea. Arazotxo eta kezka horiekin deseroso sentitzen gara askotan, eta ez dugu jakiten zer egin, arduratzen gaituzten buruhauste horietatik askatzeko eta libre sentitzeko.

Beñatek bere konttutxo horiek guztiak idaztea pentsatu du, eta gutunak idazten hasi da. Eta nahi gabe, jolas polita asmatu du. Zergatik ez zara zeu ere eskutitzak idaztera animatzen zure inguruko lagunei?