Libros infantiles en euskera

Liburu honetako animaliak beren ibilgailuetan joan-etorrian dabiltza klaxona jo eta jo! Bizikletaren txirrina, trenaren txilibitua, aspaldiko klaxon baten hotsa, suhiltzaileen kamioiaren turuta… Zenbat ezagutzen dituzu zuk? Ibilgailuen soinuak ezagutzeko liburu dibertigarria.

Behin batean ZERBAIT bitxia agertu zen basoan, saguak, igelak, azeriak eta hartzak «NIREA DA!» esan zuten. Baina NORENA DA benetan?

Nire ohe azpian bizi den maitagarria ez dago oso ondo gaur. Lanean ordezkatu egin beharko dut. Eta basoko erregearentzat jauregia eraiki, mahai azpian dagoen munstroari jaten eman, armairuko itzalarentzat kapa magikoa lortu... Ez da erraza izango!

Teo patinetatik ziplo erori da, eta bere plan guztiak pikutara joan dira di-da batean. Orain ezin da futbolean ibili, eta Mila lagunaren jaira ere ezin joan... Umore txarreko errinozeroaren umore txarraz jarri eta halako gauzak berari bakarrik gertatzen zaizkiola pentsatu du.

Orain dela gutxi martetar bat iritsi zen Luzioren etxera, eta badirudi gelditzeko etorri zela. Horixe esan zioten, behintzat. Martetarrari, ez dakienez berak bakarrik ezertxo ere egiten, jaten eman behar zaio, eta bainatu, besteak beste.

Gaur, Amona Azenarioaren etxean dago Perrexil. Lorategitik paseatzen ari dela, txakur kaka dela uste duena zapaldu du, baina, a zer sorpresa! Kaka trikuarena da!

Superheroiak izan ez arren, beren akats txiki eta guzti… AITAK BETI MAITAGARRIAK DIRA!

Gaur egungo aitak nolakoak diren adierazten digun albuma, umorez eta maitasunez osatua.

Begiratu ispiluari eta atera mihia igel saltaria bazina bezala, edo ilundu bekozkoa haserretuta, hartza bazina bezala! Umeek imitazioaren bidez ezagutuko dituzte emozioak: poza, tristura, beldurra, urduritasuna eta askoz gehiago.

Nautilus taldeko neska-mutilak beren bigarren abentura bizi dute. Nolan uhartea ez da batere erraza iristeko eta, bertan, lurpeko museo paregabea dago.

Animalia txikiak haurtzaindegira doaz, eta egunero dute abentura txikiren bat eta gatazkaren bat edo beste. Baina beti hor dago Kanguru andereñoa denak lasaitzeko, mimatzeko eta zaintzeko.

Tximeletek Marianoren koadernoa bete dute, astronauta, futbolaria eta detektibea izan nahi duen mutikoaren koadernoa. Neurri, era eta kolore guztietakoak dira. Baina batek ere ez du hegan egiten, marraztuta daudenez. Mutikoak tximeleten sortzaile misteriotsua nor den jakitea erabaki du.

Nor da tximino indartsuena? Nor da ipurtargi lotiena? Eta olagarro musukatzaileena? Zabaldu ondo begiak, topatu liburuko ilustrazioen artean eta txundi zaitez amaierako ezusteko atseginarekin.