Libros y cuentos infantiles

Farrell baronesaren etxe handiko biztanleek alde egin dute, eta etxe beldurgarri hartako ezkutalekuren batean altxor bat ezkutaturik dago. Hura aurkitzea, ordea, ez da erraza izango, mamu bat zelatan dabilelako.

Baserriko abereak lotarako prestatzen ari dira: txitatxoak plisti-plasta egiten du bainuontzian, ahatetxoak mokoa garbitzen du, behitxoak bere pijama gogokoena janzten du… azal-hegalak dituen liburua eta sorpresatxoak, lo goxo-goxo egiteko!

Burgik apaintzeko zuhaitz perfektua bilatu nahi du. Besarkadak eta gabonetako magia lortzen lagunduko diozu?

Ordu txikitan idazten ari zela, lo seko gelditu zen Xabier. Ahots batzuek esnatu zuten bat-batean. Begiak ireki, eta galtzagorri batzuk ikusi zituen ingurumarian. Lau ziren guztira, bihurriak eta jostariak. Langile prestuak ere baziren, eta buru-belarri lagundu zioten Xabierri.

Albi balea ozeanoan barrena dabil hara eta hona, ur azpiko altxorrak bildu eta bildu. Baina nahiz eta gauza eder asko bildu, Albi ez da inoiz sentitzen guztiz ase.
Ba al liteke adiskidetasuna izatea, eta ez ondasunak, haren bihotza benetan kantuan jarriko duena?

Paradisua dirudien uharte batean, geko txiki batek izar bihurtu nahi du. Goldyk eguna antzezten ematen du, egunsentitik gauerdira arte. Baina osperako bidea bakartia eta bihurgunetsua izan daiteke... 

Ez joan, amatxo!

Beste besarkada bat nahi dut.

Zurekin joan nahi dut, aitatxo.

Aitarengandik eta amarengandik banantzen ere ikasi egiten da.

Liburu honetako protagonistek gurasoei agur esaten ohitu behar dute eskolara joaten direnean.

Usaimen eta entzumen oso finak ditu Gixelak. Gauzak ukitzea asko gustatzen zaio. Haren liburuak puntutxoz beterik daude. Batzuetan triste egoten da. Ba al dakizu zergatik?

Ezagutu basoaren eta oihanaren hiztegia eta mugitu orrietako fitxak, animaliei etxera iristen laguntzeko.

Lagundu oihaneko animalia txikiei etxerako bidea topatzen, orri bakoitzean fitxak irristatuz.

Gauero gauza bera gertatzen da umeei lotara joateko garaia iristen zaienean, baina bada alderik ere: batzuek ez dute jolasten amaitu, beste batzuek hotza edo gosea nabari dute, eta baten batek ohea peluxez beteta du.

Maren eta Aiert Txindokira joan dira Joanes artzainarekin.
Kasik igerian sentituko dira han.
Kasik hegan.
Elur jausi beldurgarri baten berri izango dute bertan.
Eta pintore itsuarena.
Eta izarrak edaten dituen Goliat txakurrarena…