Álex, un mozo compostelán, escoita no telexornal que uns lobos atacaron uns cabalos en Valdelobos, aldea da Costa da Morte. Por mediación do pai vai pasar uns días a ese lugar. Alí coñece a Chente e a Lía, aos que convence para rastrexar as pegadas dos lobos. Neses días tomará conciencia da vida rural e coñecerá unha realidade allea á súa: os motivos que causan os lumes forestais e a conflitividade que xera entre a xente do agro a figura do lobo.